台語台文運動

入門冊


文章


影音紀錄


台灣文學、論戰


台語台文運動相關年表

（Koh有chē-chē bô寫--tio̍h，ū閒chiah koh tau̍h-tau̍h-á補。）
  • 早期
    • 清國時期 1870~1895
      • 1870 Má Ngá-kok（馬雅各）醫師tī Ba̍k-sa（木柵，高雄Lāi-mn̂g（內門））教白話字。
      • 1874 Má-kai（馬偕）開始編台灣腔《中西字典》，1893年出版。
      • 1880 長老教會英國母會捐1台印刷機（台灣頭1台）hō͘台南教士會。
      • 1881 長老教會英國母會捐ê印刷機、排字架kap鉛字等等11箱ùi安平chiūⁿ岸。
      • 1884 Pa-khek-lé（巴克禮）牧師設立印刷所「聚珍堂」，俗稱「新樓冊房」。頭1-ê助手是高雄大樹kha（大樹）人蘇沙。
      • 1885.07.12 Pa-khek-lé（巴克禮）創辦白話字報紙《Tâi-oân Hú-siâⁿ Kàu-hōe-pò》（台灣府城教會報）。
        • 台語新文學ê起點、台語白話文運動起鼓。
      • 1886 劉茂清所投稿ê〈Pe̍h-ōe-jī ê lī-ek〉（白話字ê利益）文章，是文獻記載台灣人頭1篇用白話字寫ê完整作品。
      • 1886 台語小說：〈Ji̍t-pún ê Koài-sū〉（日本ê怪事）。
      • 1886 報導文學：〈Pak-káng-má ê Sin-bûn〉（北港媽ê新聞）。
      • 1893 Má-kai（馬偕）出版台灣腔《中西字典》，有9451-ê字。
    • 日本時代 1895~
      • 1895 台灣總督府學務部長伊澤修二（Izawa Shuji）拜訪Pa-khek-lé（巴克禮）牧師，Pa-khek-lé（巴克禮）牧師建議用台灣話做教育語言，伊澤修二無接受。
      • 1895 陸軍幕僚部設「台灣語講習會」，教日本官廳文武職員講台灣話。
      • 1898 台灣總督府出版《日台小字典》，收6500-ê通用詞。
      • 1907 Kam Ûi-lîm（甘為霖）開始編《廈門音新字典》。
      • 1907 台灣總督府出版《日台大辭典》，編者小川尚義（Ogawa Naoyoshi）。
      • 1913 Kam Ûi-lîm（甘為霖）完成頭1版《廈門音新字典》，有將近25000-ê字。
      • 1913 日本人設「台灣同化會」，蔡培火建議普及白話字，hō͘主事者否決。
      • 1917 Tè Jîn-siū（戴仁壽）編著，台南基督長老教病院出版《Lāi-gōa-kho Khàn-hō͘-ha̍k》（內外科看護學）
      • 192X 出版《Tē-lí Kàu-kho-su》（地理教科書）
      • 1923 「台灣文化協會」第3回定期總會決議：普及羅馬字，編印羅馬字ê冊等等。
      • 1924 Chhòa Pôe-hóe（蔡培火）頭pái申請辦羅馬字講習會，無准。
      • 1925 《Kòa-chhài-chí》（芥菜子）創刊，副題「北部台灣基督長老教會教會公報」。
      • 1925 Lōa Jîn-seng（賴仁聲）出版白話字小說《Án-niá ê Ba̍k-sái》（阿娘ê目屎）。
      • 1925 Chhòa Pôe-hóe（蔡培火）出版社會評論集《Cha̍p-hāng Koán-kiàn》（十項管見），160-gōa面，超過66000-ê字。
      • 1925 Chhòa Pôe-hóe（蔡培火）第二pái申請辦羅馬字講習會，koh無准。
      • 1926 Tēⁿ Khe-phoàn（鄭溪泮）出版白話字長篇小說《Chhut-sí-sòaⁿ》頂卷，下卷底稿毀tī太平洋戰爭。
      • 1928 《台灣植物名彙》出版。
      • 1929 Chhòa Pôe-hóe（蔡培火）出版《Pe̍h-ōe-jī Khò-pún》（白話字課本）。
      • 1929 Chhòa Pôe-hóe（蔡培火）tī台南府城武廟用「羅馬式白話字研究會」（台灣羅馬字研究會）ê名義辦白話字講習會。按算辦3期，頭1期有50幾ê學員，第二期就hông禁止。
      • 1929 Chhòa Pôe-hóe（蔡培火）去提出「羅馬白話字講習會」設立申請，台南州文教局無同意。
      • 193X 台灣話話文論戰（鄉土文學論戰）
      • 1931 Chhòa Pôe-hóe（蔡培火）接受前總督ê建議，發明「新式台灣白話字」，主要用日文khá-nah改--ê。
      • 1931-1932 台灣總督府出版《台日大辭典》，編者小川尚義（Ogawa Naoyoshi），有將近70000-ê字詞。
  • 戰後
    • 台灣
      • 1946 台灣省國語推行委員會成立
      • 1955 台灣省政府令，禁止使用白話字傳教。
      • 1956 台灣省教育廳通令，中學校應該盡量講國語（華語），避免講方言。
      • 1960 Lōa Jîn-seng（賴仁聲）出版白話字中篇小說《Khó-ài ê Siû-jîn》（可愛ê仇人）。
      • 1960 Tân Kong-hui（陳光輝）編《Pe̍h-ōe-jī Sin Khò-pún》（白話字新課本），台灣教會公報社出版。
      • 1965 Chhòa Pôe-hóe（蔡培火）出版《國語閩南語對照常用辭典》，用注音符號，將台灣白話字改稱閩南白話字。
      • 1969 中國國民黨全面禁止郵局寄送《Tâi-oân Kàu-hoē Kong-pò》（台灣教會公報），理由是禁止使用台語羅馬字。
      • 1969 發行最後1期白話字版本ê《Tâi-oân Kàu-hoē Kong-pò》（台灣教會公報）。
      • 1971 台北市政府令：禁止《台英字典》出版，理由是違反國語政策，協調印刷廠拒絕印刷。
      • 1972 文化局規定電視方言節目限16%內，黃金時段bē-tàng超過1點鐘。
      • 1972 用「改進電視節目水準」ê名義，教育部文化局lo̍h文hō͘ 3間無線電視台，規定減少方言節目，ta̍k台1-kang bē-tàng超過1點鐘，分2-pái放送，6點半以後ê黃金時段，kan-na限制1台thang放，3台輪流。
      • 1976 〈廣播電視法〉實施，電台ài用國語（華語）為主，方言ài ta̍k冬減少，比例由新聞局制定。方言ê節目ài插播國語（華語）廣告。
      • ......................................................................................................
      • 1987 解嚴。
      • 1987 陳修出版《台灣話大詞典》。
      • 1989 發生「台語文學論戰」。
      • 1989 《台語文摘》創刊。
      • 1991 《台灣教會公報》恢復2版是台文版。
      • 1992 「學生台灣語言促進會」成立，創會會長是楊允言，koh創辦《台語學生》刊物。
      • 1996 Tiuⁿ Ho̍k-chû（張復聚）成立「高雄台語羅馬字研習會」，簡稱「高羅會」。
      • 1996 國校á開始有「鄉土教學課程」，有包括鄉土語言。
      • 1997 「財團法人李江khioh台語文教基金會」tī台北成立，尾手接編「台文通訊BONG報」。
      • 1997 「世界台灣語文營」（原底tī海外ê「北美洲台語文夏令營」sóa轉來台灣辦）tī台南ê南鯤鯓（Lâm-khun-sin）代天府舉辦。
      • 1998 教育部公告TLPA音標系統，包括「台灣閩南語（台語）音標系統」。
      • 1998 「世界台語文化營」tī Hawaii舉辦。
      • 1999 「世界台語文化營」tī Hawaii舉辦。
      • 2000 「世界台語文化營」tī高雄舉辦。
      • 2001 「世界台語文化營」tī淡水舉辦。
      • 2001 聯合國教科文組織（UNESCO）公佈《世界各地母語存亡報告書》，台灣除了華語，其他lóng強beh死亡。
      • 2001 「台灣羅馬字協會」（TLH、台羅會）成立，確認白話字ê地位，稱做「台灣羅馬字」，mā簡稱「台灣字」，創會理事長是Tiuⁿ Ho̍k-chû（張復聚）。
      • 2001 劉杰岳開發Taiwanese Package（TP），beh解決白話字字體ê問題。
      • 2002「世界台語文化營」開始由「台灣羅馬字協會」ta̍k冬舉辦到taⁿ。
      • 2006 蕭平治kap林俊育開發「Kài輕鬆（KKS）」台語漢羅詞庫輸入法。前身是「輕鬆（KS）」台語漢羅詞庫輸入法。是tī Microsoft Windows IME ê詞庫功能來做--ê。
      • 2006 教育部開始陸續公佈台灣閩南語（台語）推薦漢字kap台灣閩南語羅馬字拼音方案。
      • 2008 林俊育利用Yahoo公司ê『好打』輸入法ê詞庫功能，開發「也輕鬆（YKS）」詞庫輸入法。
      • 2008 林俊育開始開發「信望愛台語客語輸入法」，尾手有更新3-ê主要版本。
      • 2009 「台文筆會」tī台灣文學館成立。
      • 2012 《台文通訊》kap《台文BONG報》合刊，改名《台文通訊BONG報》，sòa《台文通訊》ê期數，增設「台羅會交流道」專欄。
      • 2017 Ngô͘ Ka-bêng（吳家銘）tī Android系統開發PhahTaigi台語輸入法、台語辭典。
      • 2018 Ngô͘ Ka-bêng（吳家銘）得tio̍h g0v獎助金計畫補助，整理台語字詞資料庫，開發ChhoeTaigi辭典網站、iOS辭典app。
      • 2018 通過「國家語言發展法」。
      • 2019 Ngô͘ Ka-bêng（吳家銘）tī iOS系統開發PhahTaigi台語輸入法。
      • 2019 Ngô͘ Ka-bêng（吳家銘）tī高雄舉辦世界頭1-pái ê「台文博覽會」，主要beh創造青少年願意參與ê台語、台文活動，增加台文tī一般社會ê基礎認bat。
      • 2020 Ngô͘ Ka-bêng（吳家銘）開始募資計畫「台文雞絲麵」，鼓舞ta̍k家支持開發學習台語ê ke-si。
    • 海外
      • 1957 Ông Io̍k-tek（王育德）tī日本出版《台灣語常用語彙》，收5000-ê通用詞。
      • 1964 Ông Io̍k-tek（王育德）發表〈台灣語講座（最終回）：將來ê台灣話〉tī《台灣青年》38期，主張漢羅lām寫，羅馬字用詞做單位，kā連字符號the̍h掉。
      • 1975 美東地區ê台灣人tī New York成立「台灣語文推廣中心」，發行《台語通訊》雙月刊，創刊號寫全漢字，第3期改做漢羅合用，第4期開始改稱《台灣語文月刊報》，全6期。
      • 1977 New York ê「台灣語文推廣中心」創辦《台灣語文月報》。1978年改名做《台灣論報》，1979年停刊。
      • 1988 北美台灣人教授協會贊助、委託San Diego台僑成立「台灣語文協調會」，目的是beh保存台灣語kap促進台灣語文ê現代化。
      • 1990 Tī夏威夷大學東亞語文所教書ê Tēⁿ Liông-úi（鄭良偉）教授開發出tī DOS系統ê 「TW301」台語文書軟體，對台語文ê發展有真大ê貢獻。
      • 1991 Tēⁿ Liông-kng（鄭良光）tī Los Angeles創辦《台文通訊》，到taⁿ koh teh發行（Kap《台文BONG報》kap做伙，改名《台文通訊BONG報》），是近代發行量siōng大、歷史siōng久長、影響siōng chē人ê台語刊物。
      • 1994 美國南加州ê蘇芝萌先生構想、開發出tī Windows系統ê「HOTSYS」-「HAHSYS」台客語文書處理軟體，大部分原來使用「TW301」ê台文工作者，lóng改用「HOTSYS」，包括教會公報、台文通訊、台文罔報、蓮蕉花台文雜誌、台灣字等ê台文雜誌，koh 親像5%台譯計畫等等，另外koh有chiâⁿ chē無公開ê物件lóng是使用「HOTSYS」。
      • 1995 台獨聯盟Huston支部蔡正隆等等，舉辦第一屆「北美洲台語文夏令營」，是後--來「世界台語文化營」ê前身。
      • 1996 Toronto「台文通訊讀者聯誼會」成立，有開班教台文，分初、中、高三班上課。，培養bē少《台文通訊》ê作者kap編輯。
      • 1996 「5%台譯計畫成立」，翻譯世界文學作品，吳宗信教授主持，尾手有出版13本。
      • 1996 第二屆「北美洲台語文夏令會」舉辦，由鄭良光接去加州辦，kap 北美洲台灣人教授協會kap 北美洲醫師公會合辦。會後決議sóa轉來台灣舉辦，改名「世界台灣語文營」。
      • 1996 《台文BONG報》創刊，台文罔報雜誌社發行。
      • 1996 Barcelona世界語言人權大會發表〈世界語言宣言〉呼籲政府保護 、推廣本土在地語言。
      • 2002 Lîm Chùn-io̍k（林俊育）組「Boston 台語進步社」。
      • 2002 台灣人教授協會Houston分會會長陳龍潭教授kap228紀念會同鄉會會長王明珠鼓舞成立「休士頓台語進步社」。

其他